जिनपिंग आजपासून भारत दौऱ्यावर

जिनपिंग आजपासून भारत दौऱ्यावर
जिनपिंग आजपासून भारत दौऱ्यावर

चेन्नईजवळील मामल्लपुरम येथे जिनपिंग आणि पंतप्रधान नरेंद्र मोदी यांच्यात अनौपचारिक वाटाघाटींची दुसरी फेरी होणार

  • चीनचे अध्यक्ष शी जिनपिंग आज, गुरुवारपासून (१० ऑक्टोबर) दोन दिवसांच्या भारत दौऱ्यावर येत आहेत. चेन्नईजवळील मामल्लपुरम येथे जिनपिंग आणि पंतप्रधान नरेंद्र मोदी यांच्यात अनौपचारिक वाटाघाटींची दुसरी फेरी होणार आहे.
  • दोन्ही नेते द्विपक्षीय संबंधांबाबत; तसेच प्रादेशिक आणि आंतरराष्ट्रीय मुद्द्यांवर चर्चा करतील.
  • या वाटाघाटी दोन दिवस चालणार आहेत. या मालिकेतील पहिली फेरी चीनमधील वुहान येथे गेल्या वर्षी पार पडली होती. त्या वेळी डोकलामवरून दोन्ही देशांतील संबंध ताणले गेले होते.
  • मात्र, चीनने सिलीगुडी कॉरिडॉरजवळ रस्ता बांधण्याचा हट्ट मागे घेतल्यानंतर तणाव निवळला होता.
  • चेन्नईतील दोन दिवसांच्या वाटाघाटी आटोपून अध्यक्ष जिनपिंग नेपाळ दौऱ्यावर जाणार आहेत, अशी माहिती चीनच्या परराष्ट्र मंत्रालयाचे प्रवक्ते हुआ चुनयिंग यांनी दिली. या वाटाघाटींमुळे द्विपक्षीय मुद्द्यांवर, प्रादेशिक आणि जागतिक महत्त्वाच्या विषयांवर मतांची देवाणघेवाण करण्याची संधी उपलब्ध होणार आहे, असे परराष्ट्र मंत्रालयाच्या निवेदनात म्हटले आहे.
  • पाकिस्तानचे पंतप्रधान इम्रान खान आणि लष्करप्रमुख जनरल कमर बाजवा सध्या चीन दौऱ्यावर आहेत. बुधवारी दोघांनीही चीनचे पंतप्रधान ली कछियांग या पार्श्वभूमीवर बुधवारी चिनी परराष्ट्र मंत्रालयाने अध्यक्ष जिनपिंग यांच्या भारत दौऱ्याविषयी सूतोवाच केले आहे.
  • जम्मू-काश्मीरला विशेष दर्जा देणारे कलम ३७० हटविल्यामुळे भारत आणि पाकिस्तानचे संबंध ताणले गेले आहेत. या प्रश्नात सुरुवातीला चीनने पाकिस्तानची बाजू घेतली होती. पाच ऑगस्टला भारताने कलम ३७० रद्द केल्याची घोषणा केली. त्यानंतर सहा ऑगस्टला तातडीने चीनच्या परराष्ट्र मंत्रालयाने दोन प्रतिक्रिया दिल्या होत्या.
  • त्यात लडाख हा वादग्रस्त भूभाग असल्याचे सांगत त्याला केंद्रशासित प्रदेश घोषित करण्यास विरोध केला होता.
  • दुसऱ्या निवेदनात भारत आणि पाकिस्तानने हा प्रश्न शांततामय मार्गाने, चर्चा करून सोडवावा असे म्हटले होते.
  • त्यानंतर काही दिवसांनी पाकिस्तानचे परराष्ट्रमंत्री शाह मेहमूद कुरेशी चीनला गेले आणि त्यांनी चीनसमोर पाकिस्तानची बाजू मांडली. त्यानंतर चीनने पुन्हा निवेदन प्रसिद्ध करून हा प्रश्न संयुक्त राष्ट्रसंघाच्या आणि सुरक्षा समितीतील ठरावानुसार सोडवावा, अशी सुधारणा केली.

चीनच्या भूमिकेत बदल:-

  • संयुक्त राष्ट्रांच्या आमसभेतही चीनने पाकिस्तानच्या भूमिकेला पूरक भूमिका मांडली. त्यावरून भारताने चीनवर जोरदार टीका केली होती.
  • मात्र, चीनच्या परराष्ट्र मंत्रालयाने प्रसिद्ध केलेल्या ताज्या निवेदनात त्यांच्या भूमिकेत फरक पडल्याचे जाणवत आहे. या निवेदनात पुन्हा काश्मीरचा प्रश्न भारत आणि पाकिस्तानने शांततमय मार्गाने, वाटाघाटींद्वारे सोडवावा, असे म्हटले आहे. त्यातून संयुक्त राष्ट्रांचा वा सुरक्षा समितीचा ठराव हे उल्लेख वगळण्यात आले आहेत.
  • चेन्नईजवळील मामल्लपुरम येथे शी जिनपिंग आणि पंतप्रधान नरेंद्र मोदी यांच्या कार्यक्रमासाठी स्वागताचे फलक उभारण्यात आले आहेत.

What do you think?

Earn & Learn

विद्यार्थीमित्रानो, स्पर्धा परीक्षेची तयारी करताना, अभ्यास करण्यासाठीची प्रेरणा व त्यासोबत आर्थिक पाठबळ या दोन्ही गोष्टी गरजेच्या आहेत. प्रेरणा, नैतिक आधार हा तर आम्ही VISION प्लॅटफॉर्मच्या lectures मधून तर देतच आहोत. राहिला प्रश्न आर्थिक पाठबळ देण्याचा तर त्यासाठीच आम्ही "कमवा व शिका" योजना सुरु केली आहे. हि फक्त योजना नसून गरीब होतकरू विद्यार्थ्यांची जीवन वाहिनी आहे. कमवा व शिका योजनेबद्दल जास्तीत जास्त प्रचार करा म्हणजे जे महाराष्ट्र बेरोजगारी मुक्त करण्याचे स्वप्न आम्ही साकारत आहोत त्याला पाठबळ मिळेल, कारण हो, स्वप्न पूर्ण होतात...!!

Read More »