मध्यस्थीला अजिबात वाव नाही

मध्यस्थीला अजिबात वाव नाही
मध्यस्थीला अजिबात वाव नाही

काश्मीरप्रश्नी मोदी यांनी ट्रम्प यांच्यासमोरच स्पष्ट केली भूमिका

  • 'काश्मीरच्या मुद्द्यासह भारत आणि पाकिस्तान यांच्यातील सर्व मुद्द्यांवर दोन्ही देश चर्चा करू शकतात आणि त्यावर तोडगा काढू शकतात. आम्हाला अन्य कोणत्याही देशाला त्रास द्यायचा नाही,' असे स्पष्ट करून पंतप्रधान नरेंद्र मोदी यांनी काश्मीरच्या मुद्द्यावर मध्यस्थीला अजिबात वाव नसल्याचे पुन्हा एकदा अधोरेखित केले. अमेरिकेचे अध्यक्ष डोनाल्ड ट्रम्प यांच्या उपस्थितीमध्येच त्यांनी ही भूमिका मांडली.
  • फ्रान्सच्या बिअरित्झमध्ये जी-७ देशांची परिषद होत असून, या परिषदेला मोदीही उपस्थित आहेत. या वेळी मोदी आणि ट्रम्प यांच्यामध्ये ४० मिनिटे चर्चा झाली. मोदी पुन्हा सत्तेवर आल्यानंतर ट्रम्प आणि मोदी यांच्यातील ही तिसरी चर्चा होती. माध्यमांशी बोलताना मोदी यांनी पुन्हा एकदा भारताची भूमिका स्पष्ट केली. या परिषदेवेळी काश्मीरच्या मुद्द्यावर मोदी यांच्याशी चर्चा करणार असल्याचे अमेरिकेचे अध्यक्ष डोनाल्ड ट्रम्प यांनी २१ ऑगस्ट रोजी म्हटले होते. ट्रम्प यांनी गेल्या महिन्यातही काश्मीर प्रश्नावर मध्यस्थी करण्याचा दोन वेळा प्रस्ताव दिला होता. भारताने मध्यस्थीचा प्रस्ताव फेटाळला असून, हा द्विपक्षीय मुद्दा असल्याचे स्पष्ट केले आहे. त्यामुळे, या भेटीमध्ये दोन्ही नेत्यांमध्ये काश्मीर मुद्द्यावर चर्चा होणार का, अशी उत्सुकता होती.
  • काश्मीरचा मुद्दा आणि मध्यस्थी या विषयावर मोदी म्हणाले, 'भारत आणि पाकिस्तान यांच्यामध्ये अनेक द्विपक्षीय वादग्रस्त मुद्दे आहेत आणि आम्ही अन्य कोणत्याही देशाला त्रास देऊ इच्छित नाही. आम्ही द्विपक्षीय चर्चा करून, हे मुद्दे सोडवू शकतो. भारत आणि पाकिस्तान १९४७पूर्वी एकत्रच होते आणि आम्ही दोघेही कोणत्याही मुद्द्यावर चर्चा करून तोडगा काढू शकतो, असा मला विश्वास आहे. पाकिस्तानातील निवडणुकीनंतर तेथील पंतप्रधान इम्रान खान यांच्याशी दूरध्वनीवरून चर्चा झाली. त्या वेळी मी त्यांना दोन्ही देशांसमोर दारिद्र्य, निरक्षरता, मागासलेपण आणि अन्य गंभीर प्रश्न आहेत. त्यावर दोन्ही देशांनी एकत्र येऊन, जनतेच्या कल्याणासाठी काम करायला हवे, असा सल्ला दिला आहे.'
  • 'मोदी यांच्याशी रविवारी रात्री काश्मीर प्रश्नावर चर्चा केली असून, भारत-पाकिस्तान हा मुद्दा सोडवू शकतात, असे मला वाटते,' अशी प्रतिक्रिया ट्रम्प यांनी दिली. ते म्हणाले, 'काश्मीरमधील परिस्थिती नियंत्रणात आहे, असे मोदी यांनी सांगितले आहे. आता, ते पाकिस्तानशी जेव्हा बोलतील, तेव्हा काही तरी करू शकतील.' मोदी आणि ट्रम्प यांच्या भेटीमध्ये प्रामुख्याने व्यापार आणि ऊर्जा या मुद्द्यांवर चर्चा झाली आहे, असे परराष्ट्र सचिव विजय गोखले यांनी सांगितले.

'मोदी चांगले इंग्रजी बोलतात':-

  • ट्रम्प यांच्याबरोबर पत्रकार परिषदेमध्ये पंतप्रधान नरेंद्र मोदी यांनी पत्रकारांच्या प्रश्नांना हिंदीमध्ये उत्तरे दिली. त्यावर, 'खरे तर मोदी उत्तम इंग्रजी बोलतात, मात्र ते बोलू इच्छित नाही,' अशी प्रतिक्रिया ट्रम्प यांनी दिली. त्यावर, 'नेत्यांना थोडे खासगीत बोलू द्या,' असे उत्तर मोदी यांनी दिले आणि दोन्ही नेत्यांनी हस्तांदोलन केल्यामुळे पत्रकार परिषदेमध्ये हास्याचे कारंजे उडाले.

पर्यावरणातील प्रयत्नांचा उल्लेख:-

  • शाश्वत भविष्यकाळाच्या दृष्टीने केवळ एकदाच वापरात येणारे प्लास्टिक नष्ट करण्यापासून जलसंधारण, सौरऊर्जेचा वापर आणि जैवसंपदांचे संरक्षण करण्याविषयी भारतामध्ये होत असलेल्या प्रयत्नांकडे पंतप्रधान नरेंद्र मोदी यांनी जगाचे लक्ष वेधून घेतले. जी-७ देशांच्या परिषदेतील पर्यावरणावरील परिषदेमध्ये ते बोलत होते. या परिषदेमध्ये जैवसंपदा, महासागर आणि हवामान यांविषयी एक विशेष सत्र आयोजित करण्यात आले होते. त्यामध्ये भारताकडून करण्यात येणाऱ्या प्रयत्नांचा भारताने उल्लेख केल्याचे परराष्ट्र विभागाचे प्रवक्ते रवीशकुमार यांनी ट्विटमध्ये म्हटले आहे.

What do you think?

Earn & Learn

विद्यार्थीमित्रानो, स्पर्धा परीक्षेची तयारी करताना, अभ्यास करण्यासाठीची प्रेरणा व त्यासोबत आर्थिक पाठबळ या दोन्ही गोष्टी गरजेच्या आहेत. प्रेरणा, नैतिक आधार हा तर आम्ही VISION प्लॅटफॉर्मच्या lectures मधून तर देतच आहोत. राहिला प्रश्न आर्थिक पाठबळ देण्याचा तर त्यासाठीच आम्ही "कमवा व शिका" योजना सुरु केली आहे. हि फक्त योजना नसून गरीब होतकरू विद्यार्थ्यांची जीवन वाहिनी आहे. कमवा व शिका योजनेबद्दल जास्तीत जास्त प्रचार करा म्हणजे जे महाराष्ट्र बेरोजगारी मुक्त करण्याचे स्वप्न आम्ही साकारत आहोत त्याला पाठबळ मिळेल, कारण हो, स्वप्न पूर्ण होतात...!!

Read More »