मुंबईच्या पोलीस आयुक्तपदी येणार पहिली महिला

मुंबईच्या पोलीस आयुक्तपदी येणार पहिली महिला
मुंबईच्या पोलीस आयुक्तपदी येणार पहिली महिला

या पदासाठी आयुक्त रश्मी शुक्ला आणि परमबीर सिंह यांच्या नावांची चर्चा

मुंबईचे पोलीस आयुक्त संजय बर्वे यांना मुदतवाढ न मिळाल्याने आता मुंबई पोलीस दलाच्या प्रमुख पदी लवकरच नवा अधिकारी नियुक्त होईल.

या पदासाठी राज्याच्या गुप्तचर विभागाच्या आयुक्त रश्मी शुक्ला आणि लाचलुचपत विभागाचे महासंचालक परमबीर सिंह यांच्या नावांची चर्चा आहे.

जर रश्मी शुक्ला यांची मुंबईच्या पोलीस आयुक्त पदी नियुक्ती झाली तर त्या या पदावर येणाऱ्या पहिल्या महिला ठरणार आहेत. गुप्तचर विभागाच्या आयुक्तपदी नियुक्ती होण्यापूर्वी त्या पुणे पोलीस आयुक्त होत्या. एका वरिष्ठ आयपीएस अधिकाऱ्याने दिलेल्या माहितीनुसार, संजय बर्वे यांना पोलीस आयुक्तपदी मुदतवाढ द्यायची वा नाही याबाबतचा निर्णय मुख्यमंत्री देवेंद्र फडणवीस घेणार आहेत. ३१ ऑगस्ट रोजी बर्वे यांचा कार्यकाळ संपत आहे. सुबोध जयस्वाल यांना राज्याच्या पोलीस महासंचालकपदी बढती मिळाल्यानंतर परमबीर सिंह मुंबई पोलीस आयुक्तपदाच्या शर्यतीत सर्वात अग्रभागी होते, मात्र फडणवीस यांनी बर्वे यांची आयुक्तपदी नियुक्ती केली होती. 

२००८ मध्ये तत्कालीन पोलीस महासंचालक पी. एस. पसरीचा आणि तत्कालीन पोलीस आयुक्त डी. एन. जाधव यांना त्यांच्या निवृत्तीनंतर तीन महिन्यांची मुदतवाढ मिळाली होती. हा निर्णय मुंबई हायकोर्टानं फेटाळला होता. नंतर तत्कालीन सरन्यायाधीश स्वतंतर कुमार आणि न्या. आय.पी. देवधर यांनी असं निरीक्षण नोंदवलं होतं की अशी मुदतवाढ इतर कनिष्ठ अधिकाऱ्यांच्या करिअरवर विपरित परिणाम करते. 

What do you think?

Earn & Learn

विद्यार्थीमित्रानो, स्पर्धा परीक्षेची तयारी करताना, अभ्यास करण्यासाठीची प्रेरणा व त्यासोबत आर्थिक पाठबळ या दोन्ही गोष्टी गरजेच्या आहेत. प्रेरणा, नैतिक आधार हा तर आम्ही VISION प्लॅटफॉर्मच्या lectures मधून तर देतच आहोत. राहिला प्रश्न आर्थिक पाठबळ देण्याचा तर त्यासाठीच आम्ही "कमवा व शिका" योजना सुरु केली आहे. हि फक्त योजना नसून गरीब होतकरू विद्यार्थ्यांची जीवन वाहिनी आहे. कमवा व शिका योजनेबद्दल जास्तीत जास्त प्रचार करा म्हणजे जे महाराष्ट्र बेरोजगारी मुक्त करण्याचे स्वप्न आम्ही साकारत आहोत त्याला पाठबळ मिळेल, कारण हो, स्वप्न पूर्ण होतात...!!

Read More »