नेपाळात सापडले जगातील सर्वाधिक उंच सरोवर

नेपाळच्या हिमालय पर्वत रांगांत नवे सरोवर सापडले असून हे जगातील सर्वाधिक उंचावरील सरोवर ठरणार

नेपाळच्या हिमालय पर्वत रांगांत नवे सरोवर सापडले असून हे जगातील सर्वाधिक उंचावरील सरोवर ठरणार आहे.

४,९१९ मीटर उंचावर असलेले तिलिचो सरोवर हे सध्या जगातील सर्वाधिक उंचावरील सरोवर आहे. विशेष म्हणजे, तिलिचो सरोवरही नेपाळातच आहे.

काही महिन्यांपूर्वी गिर्यारोहकांच्या एका पथकाला नेपाळातील मनंग जिल्ह्यातील हिमालयाच्या पर्वत रांगात काजीन सारा सरोवर सापडले, असे वृत्त ‘हिमायलन टाइम्स’ने दिले आहे. हे सरोवर चामे ग्रामीण नगरपालिकेच्या हद्दीतील सिंगारखरका परिसरात आहे. गिर्यारोहकांनी केलेल्या नोंदीनुसार, हे सरोवर ५,२00 मीटर उंचावर आहे.

तथापि, याची अद्याप अधिकृत पडताळणी करण्यात आलेली नाही. हे सरोवर अंदाजे १,५00 मीटर लांब आणि ६00 मीटर रुंद आहे, असे चामे ग्रामीण नगरपालिकेचे प्रमुख लोकेंद्र घाले यांनी ‘हिमायलन टाइम्स’ला सांगितले.

घाले यांनी म्हटले की, नव्याने सापडलेले सरोवर ५ हजार मीटरपेक्षा अधिक उंचावर असल्यामुळे अधिकृत पडताळणीनंतर ते जगातील सर्वाधिक उंचावरील सरोवर ठरणार आहे.

तिलिचो सरोवर:-

सध्या सर्वाधिक उंचीवरील सरोवर असा किताब असलेले तिलिचो सरोवर ४,९१९ मीटर उंचावर असून त्याची लांबी ४ कि.मी., रुंदी १.२ कि. मी. तर खोली २00 मीटर आहे.

तिलिचो सरोवराच्या तुलनेत नवे सरोवर आकाराने छोटे आहे, तसेच त्याची खोलीही अद्याप मोजली गेलेली नाही.

What do you think?

Earn & Learn

विद्यार्थीमित्रानो, स्पर्धा परीक्षेची तयारी करताना, अभ्यास करण्यासाठीची प्रेरणा व त्यासोबत आर्थिक पाठबळ या दोन्ही गोष्टी गरजेच्या आहेत. प्रेरणा, नैतिक आधार हा तर आम्ही VISION प्लॅटफॉर्मच्या lectures मधून तर देतच आहोत. राहिला प्रश्न आर्थिक पाठबळ देण्याचा तर त्यासाठीच आम्ही "कमवा व शिका" योजना सुरु केली आहे. हि फक्त योजना नसून गरीब होतकरू विद्यार्थ्यांची जीवन वाहिनी आहे. कमवा व शिका योजनेबद्दल जास्तीत जास्त प्रचार करा म्हणजे जे महाराष्ट्र बेरोजगारी मुक्त करण्याचे स्वप्न आम्ही साकारत आहोत त्याला पाठबळ मिळेल, कारण हो, स्वप्न पूर्ण होतात...!!