रायगडावरील दुर्मीळ वनस्पतीला शिवरायांचे नाव

रायगडावरील दुर्मीळ वनस्पतीला शिवरायांचे नाव

''फ्रेरिया इंडिका'' या वनस्पतीचे ''शिवसुमन''नाव

रायगडावरील दुर्मीळ वनस्पतीला शिवरायांचे नाव
'पुण्यातील विविध संस्थांनी एकत्र येऊन १ ते १५ जून दरम्यान पर्यावरण पंधरावडा साजरा केला. या उपक्रमाची सांगता रायगडावर झाली. या वेळी ''फ्रेरिया इंडिका'' या वनस्पतीचे ''शिवसुमन'' असे करण्यात आले. 
पुण्यातील विविध संस्थांनी एकत्र येऊन १ ते १५ जून दरम्यान पर्यावरण पंधरावडा साजरा केला. या उपक्रमाची सांगता रायगडावर झाली. या वेळी 'फ्रेरिया इंडिका' या वनस्पतीचे 'शिवसुमन' असे नामकरण करण्यात आले. या वेळी गडावर याच वनस्पतीची पन्नासहून अधिक रोपेही लावण्यात आली.
बायोस्फिअर्स, श्री शिवाजी रायगड स्मारक मंडळ, श्री शिवराज्याभिषेक दिनोत्सव सेवा समिती दुर्गराज रायगड, समर्थ भारत आणि विविध संस्थांनी एकत्र येऊन या कार्यक्रमाचे आयोजन केले. या वेळी 'बायोस्फिअर्स'चे प्रमुख आणि वनस्पती अभ्यासक डॉ. सचिन पुणेकर यांनी 'शिवसुमन'बद्दल उपस्थितांना मार्गदर्शन केले. रायगड जिल्ह्याचे पालकमंत्री रवींद्र चव्हाण, आमदार प्रशांत ठाकूर, मनोहर भोईर, रुपेश म्हात्रे, शंकर गायकर सुनील पवार, भरत गोगावले, सुधीर थोरात यांसह पदाधिकारी उपस्थित होते. कार्यक्रमाच्या एक दिवस आधी रायगडावर स्वच्छता मोहीम आयोजित करण्यात आली होती. टकमक टोक, बाजारपेठ, होळीचा माळ, शिवस्मारक, समाधिस्थान, महादरवाजा आणि गड मार्गावर प्लास्टिकच्या बाटल्या, पिशव्या आणि इतर वस्तूंसह एकून १५० किलोचा घन-कचरा गोळा झाला. स्थानिक रायगड व्यवस्थेकडे पुढील कार्यवाहीसाठी सुपूर्त करण्यात आला. या उपक्रमासाठी पुण्यासह सातारा, सांगली, मुंबई, भोसरीतील स्वयंसेवक सहभागी झाले होते. आयोजकांसह सुधीर थोरात, डॉ. सचिन पुणेकर, सथ्या नटराजन, दत्तात्रय गायकवाड, प्रसाद डोईफोडे यांनी सहकार्य केले. 
शिवनेरीवर झाली पहिल्यांदा नोंद:- 
'शिवसुमन'ची पहिल्यांदा शास्त्रीय नोंद डालझेल या शास्त्रज्ञाने शिवनेरी गडावर केली होती. ही वनस्पती अतिसंकटग्रस्त असून, जगभरात केवळ महाराष्ट्रातच आढळते. सह्याद्री पर्वतरांगामध्ये विशेषत: रंधा धबधबा, जुन्नर, शिवनेरी, पुरंदर, वज्रगड, मुळशी, शिवथरघळ महाबळेश्वर, त्रंबकेश्वर, अंजनेरी अशा निवडक ठिकाणी तीव्र डोंगर-उतार आणि कड्यावर ही वनस्पती आढळून येते. स्थानिक भाषेत काही ठिकाणी तिला 'शिंदळ माकुडी' नावाने ओळखले जाते. पुणे जिल्हाचे निसर्ग प्रतीकात्मक मानचिन्ह फुल म्हणूनही ही वनस्पती ज्ञात आहे. छत्रपती शिवाजी महाराजांचा शिवनेरी जन्म झाला आणि ही वनस्पती पहिल्यांदा याच गडावर आढळल्यामुळे आणि फुलाचा आकार सुदर्शन चक्राप्रमाणे असल्याने निसर्ग अभ्यासकांनी वनस्पतीला शिवसुमन नाव दिले आहे, अशी माहिती सचिन पुणेकर यांनी दिली.

What do you think?

Earn & Learn

विद्यार्थीमित्रानो, स्पर्धा परीक्षेची तयारी करताना, अभ्यास करण्यासाठीची प्रेरणा व त्यासोबत आर्थिक पाठबळ या दोन्ही गोष्टी गरजेच्या आहेत. प्रेरणा, नैतिक आधार हा तर आम्ही VISION प्लॅटफॉर्मच्या lectures मधून तर देतच आहोत. राहिला प्रश्न आर्थिक पाठबळ देण्याचा तर त्यासाठीच आम्ही "कमवा व शिका" योजना सुरु केली आहे. हि फक्त योजना नसून गरीब होतकरू विद्यार्थ्यांची जीवन वाहिनी आहे. कमवा व शिका योजनेबद्दल जास्तीत जास्त प्रचार करा म्हणजे जे महाराष्ट्र बेरोजगारी मुक्त करण्याचे स्वप्न आम्ही साकारत आहोत त्याला पाठबळ मिळेल, कारण हो, स्वप्न पूर्ण होतात...!!

Read More »